Нурсултон Рўзибоевнинг навбатдаги жанги ким билан бўлиши маълум
Фото: Архив сурат
Ўзбекистонлик жанг санъати устаси Нурсултон Рўзибоевнинг навбатдаги жанги санаси ва рақиби маълум бўлди.
Хорижий манбаларда ёзилишига кўра, Рўзибоев 16 август санасида Чикагода бўлиб ўтадиган UFC‑319 мусобақаси доирасида октагонга кўтарилади. Унга АҚШлик Брайн Бэттл рақиблик қилади.
Айнан шу кечада Хамзат Чимаев африкалик Дрикус Дю Плессига қарши чемпионлик жанги ўтказади.
Маълумот учун, ушбу жанг Нурсултон учун UFCʼдаги олтинчиси бўлади. Андижонлик спортчи бунгача мазкур промоушнда 5 марта октагонга чиқиб, 4 та ғалаба ҳамда 1 марта мағлубият қайд этган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг