Москвада муҳожирлар ўртасида келиб чиққан жанжалда 100 нафардан ортиқ одам ҳибсга олинган
Фото: ТАСС
Россия ҳуқуқ-тартибот идоралари 100 нафардан ортиқ одамни Москвадаги "Кузминки" метро станциясида бўлиб ўтган жанжалга алоқадорлигини текширмоқда. Бу ҳақда ўз манбаларига асосланиб "Интерфакс" ахборот агентлиги хабар бермоқда.
"102 киши полиция бўлимларига олиб келинди, уларнинг жанжалга алоқадорлиги текширилмоқда", дейилади хабарда.
Манбага кўра, шу йилнинг 12 июль куни кечки пайт Марказий Осиё республикаларидан келган муҳожирларнинг оммавий муштлашуви бошланган. Унда қарийб 200 киши қатнашган. Маълумотларга кўра, тўқнаш увнинг сабаби сифатида тожиклар ва қирғизлар ўртасидаги зиддият айтилмоқда. Бунга шахсий адоват ва Тожикистон ва Қирғизистон чегарасидаги можаро сабаб бўлган бўлиши мумкин.
Жанжалнинг бир нечта иштирокчилари оғир жароҳат олган ва тиббий ёрдамга мурожаат қилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг