Юртимизда энг улуғ, энг азиз айём — Ватанимиз мустақиллиги куни байрами арафасида Бирлашган Араб Амирлигида фаолият олиб бораётган Ўзбекистон дўстлари томонидан табриклар йўлланмоқда. Ана шундай дил қутловларидан навбатдагиси «Kelmer Group» компанияси раҳбари Гранелло Роберто номида келди. Бу ҳақда «Дунё» АА хабар берди.

Табрикда, жумладан, шундай дейилади:

—Хайрли кун азизлар. Бугун Ўзбекистон Республикаси мустақиллиги байрами арафасида сизларга табрик йўллаётганимдан жуда бахтиёрман. Мен ўзимни Ўзбекистоннинг оила аъзоси деб биламан ва бундан жуда мамнунман. Шу фурсатдан фойдаланиб, Ўзбекистон халқи ва Президент Шавкат Мирзиёев Жаноби Олийларига ҳамда самимий табрикларимни йўллаб қоламан.

«Kelmer Group» компанияси Ўзбекистонда иқтисодий соҳада амалга оширилаётган ривожланишларда оз бўлса-да ўз ҳиссасини қўшишга ҳаракат қиляпти. Хабарингиз бор, яқинда «Kelmer Group» ўзининг 19 филиалини Андижон вилоятида очди. Биз халқаро инвестицияларни кўпроқ замонавий, халқаро стандартларга мос турар жойлар қурилишига йўналтирмоқчимиз.

Шу билан бирга Ўзбекистоннинг иқтисодий ҳамда ижтимоий ривожланишига ўз тажрибаларимизни қўллаб, янги халқаро инвестицияларни ҳам жалб қилиш ниятидамиз.

Биз Ўзбекистонда фаолият олиб бораётганимиздан мамнунмиз. Ҳамкорлигимиз бундан ҳам кенг қулоч ёйишига ишончим комил.

Ўзбекистонга тинчлик, халқингизга фаровонлик тилайман.

Мустақиллик байрамингиз муборак бўлсин!