Мексикада футбол учрашуви вақтида юзага келган оммавий муштлашув оқибатида 17 киши ҳаётдан кўз юмди
Фото: Shutterstock
Мексика чемпионатининг «Керетаро» ва «Атлас» жамоалари ўртасидаги учрашув мухлислар иштирокидаги оммавий муштлашув юзага келиши туфайли тўхтатилган.
Маҳаллий журналист Дэвид Медранонинг ёзишича, Сантьяго-де-Керетародаги «Коррегидора» стадионида юзага келган муштлашув оқибатида 17 киши ҳалок бўлган. Полиция яна 22 иштирокчи тан жароҳати олганини, улардан икки нафарининг аҳволи оғирлигини маълум қилди.
Учрашувнинг 62-дақиқасида «Атлас» 1:0 ҳисобида олдинга чиқиб олган. Шундан сўнг муштлашув бошланиб кетган ва ҳалок бўлганлар орасида ушбу клуб мухлислари кўпчиликни ташкил қилган.
Хавфсизлик нуқтаи назаридан ўйин янги санага кўчирилган ва ушбу ҳолат юзасидан полиция тергов бошлаган. Ўз навбатида, Мексика чемпионати президенти Микель Арриола барча айбдорлар жазоланишини айтган.
«Стадионда хавфсизлик чоралари кўрилмагани учун айбдорлар жазоланади. Футболчиларимиз ва мухлисларимиз хавфсизлиги биринчи ўринда!», деб ёзган у «Твиттер»да.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг