Мексика прокуратураси собиқ президент Энрике Пеня Нетога қарши коррупция иши бўйича тергов бошлади, дея маълум қилмоқда Reuters агентлиги.

Прокуратура вакилларининг сўзларига кўра, собиқ президент 2012 йилги сайловолди кампанияси фаолиятини Бразилиянинг “Odebrecht” қурилиш компаниясидан олинган пора ҳисобига молиялаштиришда айбланмоқда.

Таъкидланишича, тергов жараёни Мексиканинг “Pemex” нефть компаниясининг собиқ раҳбари Эмилио Лозойянинг Пеня Нето унга сайловолди кампаниясини олиб бориш ва конгрессда овозларни сотиб олиш учун пора берганлиги тўғрисидаги кўрсатмаларига асосланган.

«Кейинчалик президентлик лавозимини эгаллаган инсон ва унинг молия вазири бу пулларни сайловолди кампаниясида ишлаган турли хорижий маслаҳатчиларга ўтказишни буюрган», дея таъкидламоқда Мексика бош прокурори Алехандро Гертз.

Бундан ташқари, беш сенаторга 2013-2014 йилги иқтисодий ислоҳотларни қўллаб-қувватлаш учун 5 миллион АҚШ долларидан кўпроқ маблағ ажратилган.

2012 йилдан 2018 йилгача Мексика президенти бўлган собиқ мамлакат раҳбари ҳозирча бу айбловларга изоҳ бермади.