Марокаш терма жамоаси Африка чемпиони деб эълон қилинди
Марокаш миллий терма жамоаси футбол бўйича Африка миллатлар кубогининг чемпиони деб топилди. Бу ҳақда Фабрицио Романо хабар бермоқда.
Бундан икки ой олдин мусобақа финалида Сенегал терма жамоаси Марокашдан устун келган эди. Аммо Африка Футбол Конфедерацияси ўша баҳснинг 90-дақиқасида Сенегал жамоаси аъзолари норозилик билдириб майдонни тарк этгани учун ушбу жамоа чемпионлигини бекор қилди.
“Африка футбол конфедерацияси апелляция кенгаши Африка миллатлар кубоги (AFCON) регламентининг 84-моддасига мувофиқ, Сенегал термаси финал учрашувини техник мағлубият билан ютқазган дея қарор қилди.
Шу муносабат билан Африка Миллатлар кубоги финал учрашувида Марокаш терма жамоаси 3:0 ҳисобида ғалаба қозонган деб топилди”, — дейилади АФК берган расмий баёнотда.
Маълумот учун, ушбу мусобақа финалида Сенегал терма жамоаси Пап Гейе томонидан киритилган ягона гол эвазига ғалаба қозонган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг