“Манчестер Сити” финал йўлида “Саутгемптон” билан ўйнайди
Кеча, 5 апрель куни футбол бўйича Англия кубоги мусобақасининг ярим финал ўйинларига қуръа ташланди. Бу ҳақда мусобақанинг расмий саҳифасида маълумот берилди.
Унга кўра, Ўзбекистон миллий терма жамоаси аъзоси Абдуқодир Ҳусанов тўп сураётган “Манчестер Сити” жамоаси бу босқичда “Саутгемптон” клуби билан куч синашади. Маълумот учун, ушбу клуб мусобақанинг чорак финалида сенсацион тарзда АПЛ етакчиси “Арсенал”ни мусобақадан чиқариб юборган эди.
Иккинчи ярим финалда эса пенальтилар серияси натижасига кўра, сафарда “Вест Ҳэм”дан устун келган “Лидс Юнайтед” жамоаси “Челси” билан тўқнаш келади.
Маълумот учун, Англия кубоги мусобақасининг ҳар икки ярим финал ўйини жорий йилнинг 25 апрель куни бўлиб ўтади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг