Маккензи Безос АҚШнинг энг бой аёлига айланди
Amazon акциялари бир ҳафтада, яъни 2 июлдан 9 июлгача 10 фоизга ошгани сабабли Жефф Безоснинг бойлиги 16,2 млрд долларга кўпайди ва 188,2 млрд долларга етди. Шу билан бирга унинг собиқ турмуш ўртоғи Маккензи Безос 62,3 млрд доллари билан АҚШнинг энг бадавлат аёлига айланди.
Маккензи Безос 2019 йилда эри билан ажрашгач, турмуш ўртоғига тегишли акцияларнинг чорак қисмини олган. Ўша вақтда бу акциялар нархи 36 млрд доллар турган. Шундан бери акциялар нархи ошиб борган ва Маккензи Безоснинг бойлиги ҳозирга келиб деярли 2 мартага кўпайди.
Маккензи Безос ушбу кўрсаткич эвазига АҚШнинг энг бой аёлига айланди. У бу борада Walmart компанияси асосчиси Сем Уолтоннинг қизи Элис Уолтондан ўзиб кетди.
Бойлиги Маккензи Безосникидан кўплиги билан фақат бир аёл — LʼOreal асосчисининг набираси Франсуаза Бетанкур-Маер мақтаниши мумкин. Унинг бойлиги 64 млрд доллар деб баҳоланади
Эътиборлиси, Маккензи Безос бойлиги қанчалик кўпайса, шунчалик кўп хайрия қилиши кутилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг