Мадрид ва Каталония тўқнашуви, “Реал Мадрид” энг ноқулай рақибларидан бирига қарши

Кеча, 18 март куни Европа чемпионлар лигаси мусобақасининг ним чорак финал босқичи ўйинлари якунланди.

Шундан сўнг, мусобақанинг чорак финал жуфтликлари шаклланди. Ушбу босқичда мухлислар қуйидаги ўйинларга гувоҳ бўладилар:

Ним чорак финалда Англиянинг “Челси” клубини мағлуб этган ПСЖ бу босқичда Англиянинг бошқа жамоаси “Ливерпуль” билан тўқнаш келади;

Ним чорак финалда суперкамбек амалга оширган Португалиянинг “Спортинг” клуби АПЛ етакчиси “Арсенал” клубига қарши ўйнайди;

“Манчестер Сити”дан устун келган “Реал Мадрид” жамоаси ним чорак финал босқичида 10 та гол урган Германиянинг “Бавария” жамоаси билан беллашади;

Мадриднинг “Атлетико” клуби эса бу босқичда ўз “лигадоши” Каталониянинг “Барселона” клуби билан тўқнаш келади.

Маълумот учун, чорак финал босқичи ўйинлари 8 апрель куни старт олади.