Коронавирус турларидан бири билан касалланган мушуклар организми "SARS-CoV-2"га қарши кураша оладиган оқсил ишлаб чиқаради. 

"SARS-CoV-2" вируси нафақат одамларнинг, балки кўплаб ҳайвонларнинг организмида ҳам кўпайишига қодир. Хусусан, мушуклар, маймунлар ва норкалар шулар сирасига киради. 

АҚШнинг Флорида штатидаги Гейнсвилл университети олимлари мушукларнинг "FCoV2" коронавирус инфекциясига қарши иммунитетининг жавобини текширишга қарор қилишди. Бу вируснинг қизиқ томони шундаки, унинг "RBD" оқсил қобиғи блоки "SARS-CoV-2" билан 40 фоиз бир хил. Фаразий равишда бу икки патогенга қарши битта вакцина яратилиши мумкин.

Тажриба шуни кўрсатдики, "FCoV2"га антитаначалар нафақат ушбу патогеннинг "RBD" блоки ва бошқа конверт оқсиллари, балки инсонларда учрайдиган "COVID-19" ва "FCoV1" вируси қўзғатувчиси зарраларида мавжуд бўлган шунга ўхшаш сегментлар билан ҳам фаол боғланган. 

"Мушукларда ўрганилган барча олтита плазмадан олинган антитачалар, нафақат "FCoV2" вирусининг конверт оқсиллари билан боғланган, балки "SARS-CoV-2" зарраларида мавжуд бўлган турларини ҳам нейтраллаштирган. Бу шуни кўрсатадики, бундай антитаначалар улар билан боғланган кўплаб коронавирусларни бостирадиган вакциналарни яратиш учун асос бўлиши мумкин", дейишмоқда муаллифлар.

Олимлар бу кашфиётдан келгусида универсал вакцина яратишда фойдаланишга умид қилмоқда.