—Жон Хопкинс университети маълумотларига кўра, дунёда коронавирусни юқтириб олганлар сони 1,2 млн. нафар, шулардан 65,5 минг нафари ҳаётдан кўз юмган, 252,6 минг нафари соғайиб кетган.

АҚШда:

—Нью-Йорк штатида бир кеча-кундузда 594 бемор вафот этди, вирусга чалинганлар сони эса 8 мингдан ошиб кетди;

— Пентагон АҚШ ҳарбийларига коронавирусдан ҳимояланиш учун ниқоб тақиб юришни тавсия этмоқда. Янги типдаги вирус америкалик 1,2 минг нафардан зиёд ҳарбий хизматчида аниқланган;

— мамлакат мудофаа вазири 155 нафар денгизчиси вирус юқтириб олган авианосец (самолётлар учиши ва қўниши учун мосланган ҳарбий кема) қўмондонини истеъфога чиқаришни қўллаб-қувватлади.

Европада:

— Британия ҳукумати одамларни паркларда тобланиш ўрнига, уйларида карантинда қолишга чақирди;

— Буюк Британия бош вазири Борис Жонсон шифохонага ётқизилди. Унга сунъий ҳаво бериш аппарати улаб қўйилган.

— Италияда бир суткада COVID-19ни юқтириб олган 525 киши ҳаётдан кўз юмди;

— Испанияда эса ана шундай беморлардан 670 нафари вафот этди.

Бошқа мамлакатларда:

— Иорданияда Рамазон ойи охиригача чегаралар ёпилиши маълум қилинди;

— Эфиопияда коронавирус билан боғлиқ биринчи ўлим ҳолати қайд этилди;

— Туркия вакцина ҳайвонларда муваффақиятли синовдан ўтказилгани ҳақида хабар берди;

— Шри-Ланкада қарийб 3 минг нафар маҳбус коронавирус сабаб озодликка чиқарилди;

— Арманистонда коронавирус тести учун илова яратилди;

— Эронда пандемия шароитида мамлакат ичида ҳаракатлангани учун 27,5 минг ҳайдовчи жаримага тортилди;

— Жанубий Суданда коронавирусни юқтириб олиш билан боғлиқ илк ҳолат қайд этилди.