Фото: otyrar.kz

"Tengrinews"нинг ёзишича, чимкентликлар ҳалокатли коронавируснинг олдини олиш учун халқ табобати усулларига мурожаат қилмоқда ва антисептик хусусиятлари билан машҳур исириқнибирин-кетин сотиб олишмоқда.

Айрим бозорларда исириқнинг ҳаммаси сотилиб кетган, шунга қарамай уни ҳали топиш мумкин. Сотувчиларнинг айтишича, бозорларда исириқ олишда ҳеч қандай ҳовлиқишлар йўқ, лекин унга бўлган талаб ортиб бормоқда.

Хабарда айтилишича, Чимкентдаги дорихоналарда тиббий ниқоблар йўқ. Мутахассислар у коронавирусдан ҳимоя қилмайди, деб айтмоқда. Тез орада дока ниқоблар сотувга чиқарилади, улар аллақачон буюртма қилинган. Дорихоначиларнинг сўзларига кўра, сўнгги кунларда қўл учун антисептик воситаларга талаб ошган. Улар аллақачон сотилиб кетган.

Қайд этилишича, айни пайтда Қозоғистонда коронавирусга чалинишнинг 4 та ҳолати тасдиқланган. Дастлабки икки ҳолат Германиядан қайтган қозоғистонликларда аниқланган.

Кейинроқ коронавирусга чалинишнинг учинчи ҳолати аниқланган — Нур-султон шаҳридан бўлган аёл Миландан қайтган. Шундан кейин мамлакат соғлиқни сақлаш вазири Диас Аҳмадшариф касалланишнинг тўртинчи ҳолатини маълум қилган.