Хитой ҳукумати чўчқа гриппининг янги тури бўйича ўтказилган тадқиқотга муносабат билдирди
Хитойлик олимларнинг чўчқа гриппининг янги пандемияни келтириб чиқариши мумкин бўлган янги тури борасидаги тадқиқоти натижалари етарли даражада ишонарли эмас.
Бу ҳақда Хитой Ташқи ишлар вазирлиги вакили Чжао Лицзянь маълум қилди.
“Тадқиқотда фойдаланилган маълумотлар миқдори етарли даражада ишонарли эмас”, деб таъкидлаган Ташқи ишлар вазирлиги вакили ҳокимият ва мутахассислар касалликни кузатишда давом этаётганликларини қўшимча қилар экан.
Эслатиб ўтамиз, аввалроқ, хитойлик олимлар чўчқа гриппининг янги пандемияни келтириб чиқариши мумкин бўлган янги турини кашф қилишгани, G4 деб номланган янги вирус штамми 2009 йилда пандемияга сабаб бўлган H1N1 штамми билан генетик равишда боғланган бўлиб, одамларга юқиши мумкинлигини кўрсатувчи барча белгиларга эга эканлиги маълум қилинган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг