Испанияда коронавирусга чалинган бемор касалхонадан қочиш учун унга ўт қўйди
63 ёшли эркак Кадис шаҳридаги (Испания) Пуэрта-дель-Мар касалхонасидан қочиб кетиш учун унга ўт қўйган. Бу ҳақда “Diario de Cadiz” газетаси хабар бермоқда.
Коронавирус инфекцияси аниқланган бемор касалхонанинг олтинчи қаватидаги бўлимда даволанган. Дастлаб у касалхонадан чиқариб юборишларини талаб қилади. Аммо рад жавобини олгач, шов-шувдан фойдаланиб, касалхонадан қочиш учун тўшагини ёқиб юборади. Натижада касалхонанинг олтинчи ва еттинчи қаватлари олов ичида қолди.
Воқеа жойига етиб келган ўт ўчирувчилар ёнғинни ўчиришган. Хабар берилишича, жабрланганлар йўқ.
Эркак миллий полиция агентлари томонидан қўлга олинди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг