Глобал фалокат юз берганда инсониятни қутқариши мумкин бўлган ўсимлик ҳақида маълумот берилди
Фото: Reuters
Эфиопияда кенг тарқалган бананга ўхшаш ўсимлик — энсета инсониятни глобал фалокатда қутқариши мумкин.
Буюк Британия ва Эфиопия олимлари томонидан олиб борилган тадқиқотга кўра, энсета янада иссиқ иқлим шароитида 100 миллиондан ортиқ одамни боқиши мумкин. Эфиопияда бу ўсимликдан бўтқа ва нон тайёрланади. Ўсимликнинг мевалари ейилмайди. Аммо илдизларини қайта ишлашдан кейин озиқ-овқат сифатида ишлатиш мумкин.
«Бу ўсимлик озиқ-овқат хавфсизлиги ва барқарор ривожланишида ҳақиқатан ҳам муҳим роль ўйнаши мумкин», дейди Эфиопиянинг Хавасса университетининг доктори Вендавек Абебе.
Буюк Британиядаги Кью Қироллик ботаника боғи доктори Жеймс Боррелнинг айтишича, йилнинг исталган вақтида энсета экиб, ҳосил йиғиб олиш мумкин.
Аввалроқ Жеймс Боррел агар яқин 30 йил ичида Ерда ўртача ҳарорат бир ярим даражадан кўпроққа кўтарилса, инсониятни ҳалокатли табиий ўзгаришлар кутаётгани ҳақида огоҳлантирган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг