Иллюстратив фото

Финляндия ички ишлар вазирлиги мамлакат ва Европадаги хавфсизлик билан боғлиқ вазиятни «совуқ уруш» давридан бери бўлган вақтга қараганда жиддийроқ, деб ҳисобламоқда. 

Бу ҳақда Миллий хавфлар вазирлигининг 2023 йил учун эълон қилинган ҳисоботида маълум қилинган.

«Европа ва Финляндиядаги хавфсизлик билан боғлиқ вазият «совуқ уруш» давридан бери бўлган вақтга қараганда жиддийроқ ва олдиндан айтиш қийинроқ», дейилади ҳужжатда.

Ҳисоботда таъкидланишича, бугунги кунда Болтиқ денгизи минтақасида Финляндияга таъсир кўрсатадиган ва унинг бундай можародан четда қолиши қийин бўлган ҳарбий тўқнашувнинг бошланиши жиддий хавфи мавжуд.

«Финляндия, шунингдек, ҳарбий куч фақат Финляндияга қарши ишлатилиши мумкин бўлган кутилмаган ҳолатларга тайёрланиши керак», дейилади ҳужжатда.

Аввалроқ, Финляндия бош вазири Санна Марин Украинанинг НАТОга аъзо бўлиши ҳарбий ҳаракатлар бошланишининг олдини олиши мумкинлигини, бироқ бу имконият қўлдан чиқарилганини айтган эди. Унинг сўзларига кўра, альянсга аъзолик тўғрисида қарор қабул қилишда хавфсизлик масаласи ҳал қилувчи аҳамиятга эга бўлган.