Дунёнинг энг қиммат автомобиль компанияси маълум бўлди
Фото: autoreview.ru
Капиталлашуви 190 миллиард долларга етган “Tesla” дунёдаги энг қиммат автомобиль компаниясига айланди.
“Bloomberg” томонидан маълум қилинишича, Илон Маск компаниясининг акцияларининг бир донасини нархи минг доллардан ошган. Яъни, йил бошида “Tesla”нинг бир дона акциясини 420 долларига сотиб олиш мумкин бўлган бўлса, эндиликда унинг қиймати 1025 долларга етган. Натижада олти ой ичида “Tesla” акциядорлари капитали деярли 2,5 бараварга ошган.
Рейтингнинг иккинчи поғонаси “Toyota” (182 миллиард доллар), учинчи ўрнини эса “Volkswagen” (75 миллиард доллар) эгаллаган. Кучли бешликдан, шунингдек, “Honda” (48 миллиард доллар) ва “Daimler AG” (41 миллиард доллар) жой олди.
Изоҳланишича, “Tesla” акцияларининг бу каби ўсиши Хитойда электр автомобилларга бўлган талабнинг ортгани билан боғлиқдир.
Шу боис компания Шанхайда очилган яна бир завод фаолиятини йўлга қўйган ва бу ерда йил охирига қадар 100 мингта автомобиль ишлаб чиқариш режалаштирилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг