Дунёда коронавирус. Эронда шахсий машинада юришга рухсат берилди. Бошқа янгиликлар
— Жон Хопкинс университети берган маълумотларга кўра, дунё бўйича коронавирусга чалинганлар сони қарийб 2,48 млн. нафарга етди, 651,5 минг бемор тузалди, 170 минг нафардан зиёди вафот этган.
— БМТга аъзо барча 193 давлат коронавирусга қарши яратиладиган вакцинадан фойдаланиш учун барчага бирдек имконият яратилиши керак эканлигини қўллаб-қувватлади.
— Эрон коронавирус туфайли жорий этилган чекловларни олиб ташламоқда. Кўпчилик дўконлар, бозорлар, корхоналар ишламоқда, шахсий автомобилда шаҳарлараро ҳаракатланишга рухсат берилди.
— Хитойда ўтган сутка давомида вирусни юқтириш билан боғлиқ 11 та ҳолат аниқланди. Шулардан 4 таси четдан кириб келган. Ўлим ҳолати қайд этилмаган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг