Дональд Трамп Шавкат Мирзиёевга мактуб йўллади
Фото: Президент матбуот хизмати
Ўзбекистон Республикаси Президенти Шавкат Мирзиёев номига Америка Қўшма Штатлари Президенти Дональд Трампдан мактуб келди. Бу ҳақда Президент матбуот котиби Шерзод Асадов хабар берди.
Қайд этилишича, АҚШ етакчиси ўз мактубида давлатимиз раҳбарининг жорий йил февраль ойида бўлиб ўтган Тинчлик кенгашининг илк йиғилишидаги иштирокини юксак баҳолаган.
Шунингдек, Президент Шавкат Мирзиёев Ўзбекистонда улкан натижаларга эришаётгани таъкидланиб, мамлакатимизга ташриф билан келиш таклифи учун миннатдорлик билдирилган.
Ўз навбатида, Президент Дональд Трамп давлатимиз раҳбарини Тинчлик кенгашининг навбатдаги йиғилишига ҳамда Майамида ўтадиган G20 саммитига таклиф этган.
«Яратган Сизни ва Ўзбекистоннинг буюк халқини ёрлақасин», дейилади мактубда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг