Бундестаг депутати Германиянинг Россия билан тўғридан-тўғри урушга кириш эҳтимоли ҳақида гапирди
Фото: AP
Украина Қуролли Кучларига Германияда ишлаб чиқарилган узоқ масофали “Taurus“ ракеталарини етказиб бериш Германиянинг Украина можаросига тортилишига ва Россия билан тўғридан-тўғри ҳарбий тўқнашувга олиб келиши мумкин. Худди шундай фикрни Германия Бундестаги депутати Севим Дагделен айтиб ўтди.
“Украинага 500 километр масофага учувчи Германиянинг “Taurus“ ракеталарини етказиб бериш Россиянинг чегараларидан узоқда жойлашган шаҳарларга зарба бериши мумкин бўлган яна бир хавфли эскалацияга олиб келади”, деди сиёсатчи. Таъкидлаш жоизки, ижтимоий сўровларга кўра, Германия аҳолисининг учдан икки қисми бу ташаббусга қарши.
Дагдаленнинг фикрича, Берлиннинг бундай ҳаракати “Германияни Россия билан тўғридан-тўғри урушга яқинлаштиради”.
У, шунингдек, бошқа депутатларнинг Киев бу қуролларни Россиянинг чуқур орқа қисмига зарба бериш учун ишлатмайди, деган сўзларини содда деб атади.
Аввалроқ, Бундестагнинг бошқа бир депутати Штеффен Котре Германиянинг Украинадаги можарога қўшилиши Россия билан урушга олиб келиши мумкинлигини айтган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг