БМТ Украинада умумий сулҳга эришиш имкониятларини кўрмаяпти
Иллюстратив фото
Бирлашган Миллатлар Ташкилоти Бош котиби Антониу Гутерришнинг айтишича, Украинада умумий сулҳга эришиш ҳозирча имконсиз кўринмоқда.
«Айни пайтда Украинада умумий сулҳга эришиш мумкин эмасдек. Мен бунга инсонпарварлик нуқтаи назаридан даъват қиламан, аммо бунинг иложи йўқдек кўринади», — деди Гутерриш гуманитар вазиятни яхшилаш учун ўт очишни тўхтатиш тартибини ўрнатишни истисно қилмасдан.
Маълумки, 24 февраль куни Россия президенти Владимир Путин ЛХР ва ДХР раҳбарларининг ёрдам сўровига жавобан Донбассни ҳимоя қилиш учун «махсус ҳарбий операция» бошлади. Шундан сўнг Россия ҳарбий кучлари Украина ҳудудига киритилди.
Бунга жавобан Украина Россия билан дипломатик алоқаларини узди. Кўплаб давлатлар Россияга, жумладан, Европа Иттифоқи мамлакатлари, АҚШ Россия президенти Владимир Путин, ташқи ишлар вазири Сергей Лавров каби бир қатор расмийлар, шунингдек, тадбиркорлар ва журналистларга қарши санкциялар киритди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг