«Барселона» Жоау Канселу билан шартнома имзолади
Испаниянинг «Барселона» клуби қишки трансферлар ойнасидаги дастлабки харидини амалга оширди. Жамоа «Ал-Ҳилол» клуби ҳимоячиси Жоау Канселу билан шартнома имзолади. Бу ҳақда Фабрицио Романо хабар бермоқда.
Инсайдернинг ёзишича, Каталония клуби футболчини мавсум якунига қадар ижарага олади. 6 ойлик ижара шартномаси учун «Ал-Ҳилол» клубига 4 миллион евро тўланади.
Маълумот учун, Жоау Канселу «Барселона»нинг собиқ футболчиси ҳисобланади. Португалиялик футболчи 2023/2024 йилларда ҳам ушбу жамоада тўп сурган. Клуб сафида 42 ўйинда майдонга тушиб, 4 та гол киритишга ҳам эришган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг