Баҳодир Жалолов финал масаласини ижобий ҳал қилди. Олтин учун кураш олиб борадиган вакилларимиз сони уч нафарга етди
Иорданиянинг Амман шаҳри мезбонлик қилаётган бокс бўйича лицензион турнирда бугунги кун беллашувлари якунланди. Бироз аввал энг оғир вазн тоифасида иштирок этаётган боксчимиз Баҳодир Жалолов (+91 кг) ярим финал жангини ўтказди.
Ҳиндистонлик Кумар Сатиш билан рўбарў келган вакилимиз 3 раунд давомида ўзининг аниқ ва кучли зарбалари билан рақибидан устун эканлигини яққол кўрсатиб берди. Беллашув якунида ҳакамлар ҳам юртдошимизнинг тўлиқ устунлигини эътироф этишди.
Шу тариқа лицензион турнирда Элнур Абдураимов, Миразизбек Мирзахалилов ва Баҳодир Жалолов эртага олтин медаль учун рингга кўтарилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг