АҚШнинг “General Electric” компанияси 13 минг нафар ходимини ишдан бўшатмоқчи
Фото: wbur.org
АҚШнинг кўп тармоқли, жумладан, авиация двигателлари ишлаб чиқарувчи йирик “General Electric” (GE) компанияси 13 минг нафар ходимини ишдан бўшатмоқчи.
Бу ҳақда корпорация раҳбариятининг хатига таянган ҳолда “The Wall Street Journal” нашри ёзмоқда. Ҳозирда компанияда 52 минг киши иш билан таъминланган. Март ойида компаниянинг 2600 нафар ходими ишсиз қолган. Яқин келажакда эса яна 10 минг нафар америкалик даромадсиз қолиши мумкин. Қайд этилишича, мазкур иш ўринларини қисқартиришлар компанияга харажатларни бир миллиард долларга тежаш имконини беради.
“Бизнесимизни ҳимоя қилиш учун комплекс чораларни амалга оширишга мажбурмиз. Афсуски, тижорат бозоридаги вазиятдан келиб чиқиб, янада кўпроқ иш ўринларини қисқартириш талаб этилади”, дейди “GE” бош директори Дэвид Жойс.
Маълумот ўрнида, коронавирус пандемияси сабаб апрель ойида дунё бўйлаб ҳаво қатновининг кескин қисқариши туфайли янги двигателларга бўлган талаб 45 фоизга камайган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг