АҚШда хакерлар бутун шаҳарни заҳарламоқчи бўлди — ОАВ
АҚШда номаълум шахслар Флорида штати Олдсмар шаҳридаги сув тозалаш иншоотининг компьютер тизимини бузиб кириб, сувда хавфли кимёвий моддаларни кўпайтирмоқчи бўлишган.
"Tampa Bay Times" нашрининг ёзишича, номаълум шахслар ишчилардан бирининг компьютерига масофадан кириш ҳуқуқини қўлга киритган ва гидроксид миқдорини юзлаб марта оширишга ҳаракат қилган. Натижада шаҳарда яшовчи 15 мингдан ортиқ одамда заҳарланиш эҳтимоли юзага келган.
Ишчилар ўз вақтида буни пайқаб қолиб, гидроксид оқишини олдини олган. Маҳаллий полиция терговга Федерал қидирув бюроси жалб қилинишини маълум қилган.
Ўтган йилнинг декабрь ойида АҚШ инфратузилма объектларига кўплаб киберҳужумлар уюштирилгани ҳақида маълум қилинган эди.
Кеча "Microsoft" асосчиси Билль Гейтс дунёни коронавирус пандемиядан кейин инсоният биотерроризм хавфига дуч келиши мумкинлиги ҳақида айтиб ўтган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг