Америка Қўшма Штатлари бир миллиард доллардан ортиқ маблағ ажратиб, 60 миллион дозали AstraZenecaга қўшимча равишда ўз захирасидан 20 миллион доза вакцинани бошқа мамлакатларга юборади, деди президент Жо Байденнинг глобал пандемияга қарши кураш бўйича вакили чоршанба куни.

АҚШ Давлат департаментининг COVID-19га қарши кураш ва соғлиқни сақлаш хавфсизлиги бўйича координатори Гейл Смитнинг айтишича, АҚШ маъмуриятининг саъй-ҳаракатлари учта соҳадаги бўшлиқларни қоплашга қаратилган — дозани тақсимлаш, вакциналарни етказиб бериш ҳажмини ошириш ва COVAXни молиялаштириш. Байден душанба куни эълон қилганидек, июнь ойининг охирига қадар АҚШ Pfizer, Moderna ва Johnson & Johnson вакциналарининг ортиқча захираларидан 20 миллион дозани бошқа мамлакатлар билан бўлишади.

Шу билан бирга, Смит АҚШ вакциналар қаерга энг зарурлигини ва уларни қандай қилиб тенг равишда тақсимланишини аниқлаш учун глобал COVAX муассасаси билан яқиндан ҳамкорлик қилаётганини таъкидлади.

«Биз вакциналарни ажратишнинг катта қисмини COVAX ўз ичига олади деб ўйлаймиз, аммо биз якуний қарорларни ҳали қабул қилмадик», — дейди USAIDнинг собиқ директори Смит журналистларга. «Биз ушбу ҳаракатга раҳбарлик қилиб, иттифоқчилар билан яқиндан ишлашни мақсад қилганмиз. Агар вакциналарни тарқатиш миқёсни кенгайтирадиган бўлсак, биз учун шериклар билан ишлаш жуда муҳимдир. Биз Г7 давлатлари, Европа Иттифоқи ва бошқалар билан яқин алоқадамиз».

АҚШ ҳукумати айни пайтда жараённи бошлаш ва глобал қамровни аниқлаб олиш учун вакцина етказиб берувчи энг йирик платформа бўлган COVAX ва шерик давлатлар билан маслаҳатлашмоқда. Ушбу давр ичида вакциналарни қўлга киритиш, тарқатилиш миқёсини аниқлаш ва 60 миллион дозали AstraZeneca вакцинасининг хавфсизлигини ФДА (Озиқ-овқат ва дори-дармонларни бошқариш федерал агентлиги) томонидан тасдиқлаш керак бўлади.

Гейл Смит айни пайтда бир мамлакат учун қанча маблағ ажратилишини айта олмаслигини, лекин бу ҳақда тез орада маълум қилинишини айтди. У шунингдек, АҚШ Ҳиндистонга ва Ҳиндистоннинг қўшниларига у ерда инфекциянинг кескин юқишини ҳисобга олган ҳолда фавқулодда гуманитар ёрдамни амалга ошираётганини эслатиб ўтди. Координатор айнан қайси давлатлар АҚШдан ёрдам сўрагани ҳақидаги саволга дунёнинг ҳар бир минтақаси вакциналарга талаб ва эҳтиёж бор, дея жавоб қайтарди.

АҚШ режадаги биринчи 80 миллион дозани тақсимлаганидан сўнг, қўшимча дозаларни етказиш, таъминот занжиридаги муаммоларни ҳал қилиш ва дунёнинг турли қисмларида вакцина ишлаб чиқариш қувватига сармоя киритиш ҳақида ўйлаб кўради. Смитнинг таъкидлашича, Қўшма Штатлар, шунингдек, сўнгги ойларда COVAX хайрия қилганлигини айтган 2 миллиард доллардан ташқари, ташкилот учун маблағни оширишни режалаштирмоқда.

АҚШ AstraZeneca вакцинасининг 60 миллион дозасини жўнатишни аллақачон режалаштирган, лекин вакцина АҚШ регуляторлари томонидан тасдиқланмаган.

Душанба куни эрталабгача янгиланган федерал маълумотларга кўра, Қўшма Штатларда 272 миллиондан ортиқ дозада COVID-19 вакциналари қўлланилди. АҚШ аҳолисининг (катталар) қарийб 60 фоизи камида битта вакцинани қабул қилишди, бу Бразилия ва Ҳиндистон каби кўплаб мамлакатларга қараганда анча кўп. Айни вақтда қўшимча дозаларга ҳам эҳтиёж жуда юқори.

Ихтиёр РАҲМОН,

журналист