Фото: Shutterstock

“Bank of America” 2024 йилда нефть нархлари прогнозини бир баррель учун 90 доллардан 80 долларга туширди.

“Bank of America” таҳлилчилари Шимолий денгизнинг “Brent” нефти нархи прогнозини бир баррель учун 90 доллардан 80 долларгача пасайтирди. Бу ҳақда “BofA Global Research” компаниясининг глобал товарлар ва деривативлар бўлими раҳбари Франсиско Бланш маълум қилди.

Унинг сўзларига кўра, нефть баҳоси прогнозини пасайтиришга унга талабнинг камайгани ва АҚШда ишлаб чиқариш, шунингдек, Эрондан етказиб беришнинг сезиларли ошгани, шу билан бирга Венесуэла бозорининг тезда кучайгани сабаб бўлган.

Бу нефть учун энг ижобий прогнозлардан бири ҳисобланади. Ваҳоланки, “Morgan Stanley” “Brent” нефтининг баррелини 77, “Citigroup” 75, “Goldman Sachs” эса 81 долларга баҳоламоқда.

Шу тариқа душанба кунига келиб “Brent” нефтининг бир баррелини нархи 76 доллардан пастга тушди.

Олдинроқ, Саудия Арабистонининг “Saudi Aramco” давлат компанияси талабнинг камайиши фонида сайёрамизнинг барча минтақаларида февраль ойида етказиб бериладиган “Arab Light” нефти нархини пасайтирганди. Унга кўра, Осиё бозорларига етказиб бериш нархи бир баррель учун 1,5-2 доллар атрофида туширилди. Шунингдек, февраль ойида Шимолий-Ғарбий Европа, Ўрта Ер денгизи ва Шимолий Америка мамлакатлари учун нефть етказиб бериш нархи ҳам пасайтирилган. Ушбу қарор ҳам ҳам нефть нархини арзонлашишига олиб келган.

Лондон ICE биржасида эса сўнгги савдоларда “Brent” нефтининг бир баррели 77,73 доллардан сотилди.