"Apple" "iPhone 14" смартфонларида классик камерадан воз кечмоқда
Фото: Technizo Concept
Американинг "Apple" компанияси "iPhone 14" смартфонлари учун Хитой етказиб берувчиларининг классик олд камерасидан фойдаланишдан бош тортган.
Кореянинг "ETNews" нашрининг ёзишича, "Apple" гиганти янги авлод смартфонлари ишлаб чиқаришда "LG"нинг шўъба корхонаси бўлган "LG Innotek" билан ҳамкорлик қилади.
Қайд этилишича, "Apple" биринчи марта Жанубий Корея компаниясининг янги олд камерасидан фойдаланади. Америка компанияси "LG Innotek"ни ишлаб чиқаришда қўллайдиган бутловчи қисмларнинг сифати юқори бўлгани учун танлаган.
Аввал "Apple" Хитой ишлаб чиқарувчиси ва Япониянинг "Sharp" компаниясининг олд камераларига буюртма беришни афзал кўрган. Аммо "iPhone 14"ни йиғишда олд камералар етказиб беришни "LG" ва "Sharp" ўртасида тақсимлашга қарор қилинган.
Аввалроқ Хитойнинг "BOE" дисплей ишлаб чиқарувчиси "Apple" компаниясидан "iPhone 14" смартфонлари учун ОЛEД панеллар ишлаб чиқариш бўйича буюртма олмагани ҳақида хабар берилган эди. Бунга "iPhone 13"нинг дисплей дизайнидаги ўзгаришларни "Apple" билан келишмагани сабаб сифатида кўрсатилган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг