Apple букланадиган ва юпқароқ iPhone смартфонларини чиқаришни режалаштирмоқда
Apple компанияси ультра юпқа iPhone, шунингдек, букланадиган қурилмаларни тақдим этишни режалаштирмоқда. Американинг The Wall Street Journal (WSJ) газетаси компания дизайн ва форматда бир қатор йирик ўзгаришларни тайёрлаётгани ҳақида хабар берди.
Нашрнинг ёзишича, янги моделлар камера тизимини соддалаштириш ҳисобига ҳозирги 8 мм дан кичикроқ бўлиши мумкин. Янгиланган версия Pro'лардан арзонроқ бўлиши кутилмоқда.
Бундан ташқари, йиғиладиган қурилмалардан бири ноутбук сифатида фойдаланиш учун мўлжалланган бўлиб, унинг экрани деярли 19 дюймгача (48 сантиметрдан сал кўпроқ) букланади. Иккинчиси iPhone функцияларини бажариш учун мўлжалланган. WSJ маълумотларига кўра, янги маҳсулотлар 2025 йилдан бошлаб тақдим этилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг