АПЛ клубларида ўйнаётган футболчиларнинг нархлари ўзгарди
18 октябрь куни футболчиларнинг трансфер нархларини баҳолаб борувчи «Transfermarkt» порталида Англия Премьер-лигасида ўйнаётган футболчиларнинг нархлари янгиланди.
Унга кўра, «Манчестер Сити» клубида тўп сураётган ўзбекистонлик футболчи Абдуқодир Ҳусановнинг нархи ўзгаришсиз қолди ва 35 миллион еврони ташкил этмоқда.
Бу орқали у АПЛда тўп сураётган МДҲ мамлакатларининг энг қиммат футболчисига айланди.
Бу борада иккинчи ўринни «Ливерпул» посбони Георгий Мамардашвили эгаллаб турибди. Грузиялик футболчининг баҳоси 28 миллион евро сифатида қайд этилган.
Кучли учликдан эса «Эвертон» клубининг 26 ёшли ҳимоячиси Виталий Миколенко ўрин олган. Украиналик ушбу футболчи портал томонидан 25 миллион еврога баҳоланган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг