Америка компанияларининг Ўзбекистонга қизиқиши ортиб бормоқда – АҚШ элчиси
Америка Қўшма Штатларининг Ўзбекистондаги фавқулодда ва мухтор элчиси Жонатан Хеник Америка компанияларининг Ўзбекистонга қизиқиши ортаётгани ҳақида гапирди. Бу ҳақида «ЎзА» маълум қилди.
АҚШ элчиси Жонатан Хеник мамлакатимизда Наврўз байрамига бағишланган тадбирда иштирок этиб, Ўзбекистон халқини ушбу баҳор айёми билан қутлади.
«Наврўз нафақат янгиланиш ва фаровонлик тимсоли бўлган ажойиб баҳор байрами, балки эришилган ютуқларни нишонлаш учун муҳим фурсатдир. Фурсатдан фойдаланиб, Ўзбекистон фуқароларига Наврўз байрами файзли бўлишини чин қалбимдан тилайман» – дейди АҚШ элчиси.
Аввало, Ўзбекистон Президенти ва ҳукуматининг мамлакатда кенг қамровли ва ортга қайтмас ислоҳотларни амалга оширишга қаратилган фаолияти мени ҳайратда қолдирди. Биз иқтисодиётнинг жадал ривожланиши, шунингдек, Ўзбекистонни савдо ва инвестициялар учун истиқболли йўналиш сифатида кўраётган Америка компанияларининг қизиқиши ортиб бораётганини кўряпмиз, деб қўшимча қилган Жонатан Хеник.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг