8 нафар ўқувчи 22-Осиё физика олимпиадасида иштирок этади
Бугун физика фанидан халқаро олимпиадаларда иштирок этувчи Ўзбекистон терма жамоасига номзодларни саралашнинг 3-босқичи бўлиб ўтмоқда.
Иштирокчиларга ёзма иш учун турли қийинлик даражасидаги 5 та топшириқ берилди, ҳар бир топшириқ қийинлик даражасига кўра турлича балл билан ҳамда барча топшириқлар умумий 50 балл билан баҳоланади. Топшириқларни бажариш учун иштирокчиларга 5 соат вақт ажратилади.
Ушбу саралаш босқичида 8 нафар ўқувчи саралаб олинади ҳамда 23 — 31 май кунлари Ҳиндистон давлати ташкилотчилигида масофавий (онлайн) шаклда ўтказиладиган 22-Осиё физика олимпиадаси (APhO)да иштирок этадилар.
Бундан ташқари, Осиё физика олимпиадасида иштирок этиб, энг юқори балл тўплаган 5 нафар иштирокчи нуфузли халқаро физика олимпиадаси (IPhO)да иштирок этиш ҳуқуқини қўлга киритади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг