1 октабрдан алкоголь маҳсулотлари нархи ошади
“Алкоголь маҳсулотлари учун энг кам улгуржи-сотиш ва чакана нархларга ўзгартиришлар киритиш ҳақида”ги қарор Адлия вазирлиги томонидан давлат рўйхатидан ўтказилди. Бу ҳақда "Ҳуқуқий ахборот" телеграм каналида хабар берилди.
Ҳужжатга мувофиқ, қуйидаги нархлар белгиланди:
винонинг 1 литр тайёр маҳсулоти учун:
• ишлаб чиқарувчи корхоналарнинг энг кам улгуржи-сотиш нархи – 9 400 сўм (илгари 8 600 сўм);
• энг кам чакана нарх – 11 200 сўм (илгари 10 200 сўм).
коньякнинг 1 литр тайёр маҳсулоти учун:
• ишлаб чиқарувчи корхоналарнинг энг кам улгуржи-сотиш нархи – 33 000 сўм (илгари 31 000 сўм);
• энг кам чакана нарх – 39 000 сўм (илгари 36 600 сўм).
ароқ ва бошқа алкоголли маҳсулотларнинг 1 литр тайёр маҳсулоти учун:
• ишлаб чиқарувчи корхоналарнинг энг кам улгуржи-сотиш нархи – 24 000 сўм (илгари 22 000 сўм);
• энг кам чакана нарх – 28 500 сўм (илгари 26 000 сўм).
Мазкур қарор 2020 йил 1 октябрдан кучга киради.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг