Jizzaxda yuk mashinasi yonib ketdi
Videodan kadr
Jizzax viloyati Zomin tumanida yuk mashinasi yonib ketdi. Viloyat FVB hodisa yuzasidan maʼlumot berdi.
Bildirilishicha, kecha, 7-mart kuni soat 11:40 larda Zomin tumani Dashtobod shaharchasida Zil-130 rusumli yuk avtomobilida yongʻin chiqqani toʻgʻrisida viloyat FVBga xabar kelib tushgan.
Shunga asosan, voqea joyiga Zomin tumani FVBning yongʻin-qutqaruvchilari soat 11:44 da yetib borib, yongʻinni 12:05 da batamom oʻchirgan.
Hodisa oqibatida yuk avtomobilining motor va salon qismi yonib zararlangan. Taʼkidlanishicha, fuqarolarning kuyish, tan jarohati olishi va halok boʻlish holatlari qayd etilmagan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring