“Zaryadka”ga qoʻyilgan telefon 15 yoshli qizning umriga zomin boʻldi
Qozogʻistonning Olmaota viloyati Jambil tumani Kargali qishlogʻida 15 yoshli qiz hayotdan koʻz yumdi. Politsiya hududiy departamenti maʼlumotlariga koʻra, uni mobil telefon orqali tok urgan. Bu haqda Tengrinews.kz xabar berdi.
Fojea 26-sentyabr kuni roʻy berdi.
“Elektr toki urishi oqibatida 15 yoshli voyaga yetmagan qiz hayotdan koʻz yumdi. Dastlabki maʼlumotlarga koʻra, qizning mobil telefoni zaryad olish uchun qoʻyilgan boʻlgan, shu orqali qizni elektr toki urgan. Bugungi kunda ushbu holat boʻyicha jinoyat ishi qoʻzgʻatilgan”, — deyiladi idora xabarida.
Mazkur ish boʻyicha sud-tibbiyot ekspertizasi tayinlangan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring