Toshkent metropoliteni Yunusobod yoʻlining yangi qurilayotgan qismida yuz bergan favqulodda vaziyat oqibatida halok boʻlganlar soni 6 nafarga yetdi

Voqea joyida olib borilgan tezkor qidiruv-qutqaruv ishlari natijasida kecha va bugun 6 nafar fuqaroning jasadi tuproq ostidan olib chiqildi va ularning shaxsiga aniqlik kiritildi:

• 1.1989-yilda tugʻilgan, Qashqadaryo viloyati, Shahrisabz tumani, Beshkapa qishlogʻida istiqomat qilgan fuqaro Abdullayev Oybek Toʻra oʻgʻli;
• 2.1989-yilda tugʻilgan, Qashqadaryo viloyati, Shahrisabz tumani, Beshkapa qishlogʻida istiqomat qilgan fuqaro Ravshanov Jonibek Islom oʻgʻli;
• 3.1999-yilda tugʻilgan, Qashqadaryo viloyati, Shahrisabz tumani, Beshkapa qishlogʻida istiqomat qilgan fuqaro Abdullayev Davronbek Botirovich;
• 4.1986-yilda tugʻilgan, Qashqadaryo viloyati, Yakkabogʻ tumanida istiqomat qilgan fuqaro Diyorov Anvar Normurodovich;
• 5.1996-yilda tugʻilgan, Samarqand viloyati, Oqdaryo tumani, Farmonobod qishlogʻida istiqomat qilgan fuqaro Raxmatov Ixtiyor Amriddin oʻgʻli.
• 6.1981-yilda tugʻilgan, Samarqand viloyati Pastdargʻom tumanida istiqomat qilgan fuqaro Karimov Zarif Toʻlqinovich.

Hukumat komissiyasi tomonidan jabrlanganlar va ularning oila aʼzolariga barcha zarur moddiy va maʼnaviy yordam koʻrsatish choralari koʻrilmoqda.