Yoshartiruvchi beshta mahsulot nomi maʼlum boʻldi
Rossiyalik olim Mixail Ginzburg yoshlikni uzaytiruvchi oziq-ovqat mahsulotlari haqida maʼlumot berdi.
Ginzburgning taʼkidlashicha, ratsionimizda albatta KOʻK CHOY boʻlishi lozim. Ushbu mahsulot qarish jarayonini sekinlashtirish, organizmni yoshartirish xususiyatiga ega. Shu boisdan kuniga ikki-uch finjondan koʻk choy ichish tavsiya qilinadi.
Yoshartiruvchi mahsulotlar roʻyxatiga shuningdek, zaytun yogʻi, zigʻir urugʻi va baliq ham kiradi. Bu mahsulotlar foydali yogʻ kislotalariga boy boʻlib, qon-tomirlarda ateroskleroz rivojlanishiga yoʻl qoʻymaydi.
Bundan tashqari, achchiq shokolad (shakar qoʻshilmagan) ham yoshlikni uzaytirish xususiyatiga ega.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring