Tashqi ishlar vaziri AQSH elchisini qabul qildi
2018-yilning 3-iyul kuni O‘zbekiston Respublikasi Tashqi ishlar vaziri Abdulaziz Kоmilov Amerika Qo‘shma Shtatlari Favqulodda va Muxtor Elchisi Pamela Leora Spratlenni qabul qildi.
Suhbat davomida O‘zbekiston-AQSh munosabatlarining joriy masalalari, shuningdek, O‘zbekiston Prezidenti Shavkat Mirziyoyevning 2018-yil 15-17-may kunlari AQShga rasmiy tashrifi va oliy darajadagi muzokaralar davomida erishilgan kelishuvlarni amalga oshirish nuqtayi-nazaridan o‘zaro aloqalarni rivojlantirish istiqbollari ko‘rib chiqildi.
Uchrashuvda ikki tomonlama bo‘lajak tadbirlar muddatlari va kun tartibi yuzasidan ham fikr almashildi.
Eslatib o‘tamiz, oldinroq Pamela Spratlen O‘zbekistondagi missiyasini yakunlayotgani haqida xabar berilgandi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring