Ucellʼning barcha ulushi davlatga sotildi
Coscom mobil aloqa operatoriga (Ucell tovar belgisi) egalik qilgan Shvetsiyaning Telia Company kompaniyasi oʻzining barcha ulushini (94 foiz aksiya) Oʻzbekiston Davlat raqobat qoʻmitasiga sotdi. Bu haqda kompaniya rasmiy saytida maʼlum qilingan.
Manba bergan xabarda qayd qilinishicha, Ucellʼning barcha aksiyalari qiymati 215 mln dollarga sotilgan. Shu kungacha shakllangan eski majburiyatlar saqlanib qolingan.
Maʼlumot uchun, 2007 yilning iyulida Telia (oʻsha vaqtda Telia Sonera) Coscomʼning asosiy aksioneriga aylangandi. 2008 yili esa operator Ucell brendi ostida faoliyat yurita boshlagandi. Kompaniya abonentlari soni 7 million atrofida ekani aytiladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring