Tojikiston Prezidenti Koʻksaroy qarorgohida tantanali kutib olindi
Foto: Prezident matbuot xizmati
Koʻksaroy qarorgohida mamlakatimizga davlat tashrifi bilan kelgan Tojikiston Respublikasi Prezidenti Emomali Rahmonni tantanali kutib olish marosimi boʻlib oʻtdi.
Prezident Shavkat Mirziyoyev oliy martabali mehmonni samimiy qutlab, shohsupaga taklif etdi.
Ikki mamlakatning davlat bayroqlari koʻtarildi va faxriy qorovul saf tortdi. Harbiy orkestr ijrosida Oʻzbekiston va Tojikiston madhiyalari yangradi.
Yetakchilar faxriy qorovul safi oldidan oʻtib, rasmiy delegatsiyalar aʼzolarini qutladilar.
Birgalikda suratga tushilgandan soʻng Oʻzbekiston va Tojikiston Prezidentlarining muzokaralari boshlandi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring