Toshkentdagi uylardan birida yongʻin yuz berdi
Toshkent shahri Yunusobod tumanida joylashgan uylarning birida yongʻin sodir boʻldi. Bu haqda poytaxt Favqulodda vaziyatlar bosh boshqarmasi xabar berdi.
Bildirilishicha, bugun, 31-mart kuni soat 12:01da Yunusobod tumani, Shivli koʻchasida joylashgan uylarning birida yongʻin sodir boʻlayotganligi toʻgʻrisida shahar FVBBga xabar kelib tushgan.
Shunga koʻra qutqaruv boʻlinmalari soat 12:11 da hodisa joyiga yetib borib, yongʻin soat 12:25 da yongʻin qurshab olingan va soat 12:27 da bartaraf etilgan.
“Yongʻindan tan jarohati olganlar yoʻq”, deyiladi xabarda.
Qayd etilishicha, hozirda yongʻinning kelib chiqish sababi va yetkazilgan zarar miqdori aniqlanmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring