Toshkentdagi bir nechta yoʻl oy oxirigacha yopiladi
Tolimarjon va Fargʻona yoʻli koʻchalari kesishmasida olib borilayotgan yoʻl taʼmirlash ishlari sababli 31-yanvarga qadar quyidagi harakatlanish yoʻnalishlari yopiq boʻladi:
1) Sayxun koʻchasidan Fargʻona yoʻli koʻchasiga toʻgʻri chiqish yoʻli;
2) Fargʻona yoʻli koʻchasidan Sayxun koʻchasiga toʻgʻri tushish yoʻli;
3) Tolimarjon koʻchasidan Fargʻona yoʻli koʻchasiga burilish — «Oʻzelektroapparat» zavodidan “Fargʻona” dehqon bozori yoʻnalishda;
4) “Islom ota” masjididan “Oʻzbek qogʻozi” OAJ yoʻnalishdagi dublyor yoʻli.
Mazkur yoʻl qismida yoʻl taʼmirlash ishlari jarayonida transport oqimini taqsimlash uchun Sayxun va Fargʻona yoʻli koʻchalari oraligʻidagi qaytish yoʻl boʻylab ikki tomonlama harakatlanish ochiladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring