Toshkentda V Nobel festivalining ochilish marosimi oʻtkazildi
Joriy yilning 26-oktyabr kuni Yoshlar ijod saroyida V Nobel fest doirasida matbuot anjumani va festivalning ochilish marosimi oʻtkazildi.
Matbuot anjumanida Yoshlar ishlari agentligi direktori Alisher Saʼdullayev, Nobel mukofoti sohibi Rae Kvon Chung, “Butunjahon yil oʻqituvchisi — 2021” tanlovi gʻolibi Keisha Torp va Xalqaro Langley Park maktabi asoschisi Treisha Torp hamda OAV xodimlari qatnashdi.
Anjumandan soʻng qiziquvchi yoshlar ishtirokida V Nobel festivaliga start berildi. Festival 5 ta davlatda, jumladan, Ozarbayjon, Germaniya, Turkiya, Pokiston, Xitoy, Qozogʻistonda toʻgʻridan-toʻgʻri translyatsiya qilindi. Festival soʻngida ishtirokchi yoshlar spikerlardan oʻzlarini qiziqtirgan savollarga javob olishdi.
Maʼlumot uchun, festivalning navbatdagi qismi Qozogʻistonda 4-noyabrga qadar davom etadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring