Toshkentda kiyim-kechak doʻkonida yongʻin sodir boʻldi
Poytaxt Favqulodda vaziyatlar boshqarmasi matbuot xizmati xabariga koʻra, Toshkent shahrining Chilonzor tumanida joylashgan kiyim-kechak doʻkonida yongʻin chiqqan.
Maʼlum qilinishicha, bugun — 25-oktyabr kuni soat 15:24 da, Qizil Sharq dahasidagi koʻp qavatli uyning birinchi qavatida joylashgan doʻkonda yongʻin yuz bergani haqida xabar kelib tushgan.
Yongʻin-qutqaruv brigadalari voqea joyiga 15:26 da yetib kelgan, yongʻin esa 15:37 da toʻliq bartaraf etilgan.
Hodisa natijasida 10 kvadrat metr maydon zararlangan, jabrlanganlar yoʻq.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring