Toshkentda Fransiya viza markazi ochildi
Shu yilning 11-mart kuni Fransiyaning Oʻzbekistondagi elchisi Valid Fuk Toshkentda Fransiyaga safar qilish uchun barcha viza arizalarini qabul qilishga masʼul boʻlgan yangi markazni ochdi. Bu haqda diplomatik vakolatxona matbuot xizmati xabar berdi.
“Bundan buyon sifatli xizmat koʻrsatishni taʼminlash maqsadida ariza topshirish va hujjatlarni qabul qilish faqat TLSContact markazi orqali amalga oshiriladi”, — deyiladi xabarda.
Mazkur markaz quyidagi manzilda joylashgan: “Inco” biznes markazi, Fidokor koʻchasi, 32-uy, 4-qavat.
Taʼkidlash joizki, avvallari viza arizalari Fransiyaning Oʻzbekistondagi elchixonasi huzurida faoliyat yuritgan viza boʻlimi tomonidan qabul qilinar edi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring