Toshkentda avtobus yoʻnalishlari boʻyicha qator oʻzgartirishlar kiritildi
Toshkent shahar jamoat transporti faoliyatini maqbullashtirish, xizmat koʻrsatish sifatini oshirish maqsadida 2-avgust kunidan boshlab, avtobus yoʻnalishlari boʻyicha qator oʻzgarishlar kiritilmoqda. Bu haqda “Toshshahartransxizmat” matbuot xizmati xabar berdi.
Xususan:
- 28-sonli Yangiobod mavzesi—Tibbiyot akademiyasi yoʻnalishda oʻta katta sigʻimli King Long rusumli avtobuslar;
- 32-sonli Sergeli 6a-mavzesi—Gulobod koʻchasi yoʻnalishda Yutong rusumli elektrobuslar;
- 119-sonli Qoʻyliq 1-mavzesi—Yunusobod dehqon bozori yoʻnalishda Yutong rusumli elektrobuslar;
- 121-sonli Yunusobod mavzesi 9-daha—Chinni bozori yoʻnalishda oʻta katta sigʻimli King Long rusumli avtobuslar;
- 156-sonli Qipchoq metrosi—Gʻalaba mahallasi yoʻnalishda MAN rusumli avtobuslar;
- 174-sonli Jumabozor qoʻrgʻoni—Aviasozlar ASHB yoʻnalishda Yutong CNG rusumli avtobuslar bilan yoʻlovchilarga xizmat koʻrsatish yoʻlga qoʻyiladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring