Toshkent viloyatida tabiiy gazdan noqonuniy foydalanish holati fosh etildi
Bosh prokuratura huzuridagi Departament hamda DXXning Bekobod tumani boʻlimlari tomonidan IIB va “Oʻzenergoinspeksiya” Toshkent viloyat hududiy boshqarmasi xodimlari bilan hamkorlikda oʻtkazilgan tezkor tadbirda, fuqaro S.Q. “Yoshlik” MFY hududidagi xonadonining yordamchi xoʻjaligida ohak ishlab chiqaruvchi yashirin sex tashkil etib, tijorat maqsadida umumiy foydalanishdagi gaz tarmogʻiga oʻgʻrilik yoʻli bilan ulanib, jami 394,2 mln soʻmlik tabiiy gazdan noqonuniy foydalanganligi aniqlangan.
Mazkur holat yuzasidan Jinoyat kodeksining 169-moddasi (oʻgʻrilik) bilan jinoyat ishi qoʻzgʻatilib, tergov harakatlari oʻtkazilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring