Toshkent viloyatida aholini ichimlik suvi bilan taʼminlashga ajratilgan mablagʻlar talon-toroj qilingani aniqlandi
Bosh prokuratura huzuridagi Departamentning Bekobod tuman boʻlimi tomonidan oʻtkazilgan tergovga qadar tekshiruvlarda, “S.» hamda “Ye” MCHJlar tomonidan «Suvoqova» DUK Toshkent viloyat hududiy boshqarmasi bilan aholini ichimlik suvi bilan taʼminlash yuzasidan tuzilgan pudrat shartnomasiga asosan amalga oshirilgan ishlar boʻyicha tuzilgan hujjatlarga soxta maʼlumotlar kiritib, amalda bajarilmagan ishlarni qoʻshib yozish orqali “S.» MCHJ tomonidan 489 mln soʻm, “Ye” MCHJ tomonidan 233 mln soʻm byudjet mablagʻlari talon-toroj qilinganligi aniqlangan.
Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Mazkur holatlar yuzasidan “S.» va “Ye” MCHJ rahbarlari va boshqalarga nisbatan 167-moddasi (talon-toroj qilish), 228-moddasi (hujjatlarni qalbakilashtirish) va 209-moddasi (mansab soxtakorligi) bilan jinoyat ishlari qoʻzgʻatilib, tergov harakatlari oʻtkazilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring