Avval xabar qilinganidek, poytaxt aeroportida ilk bor mehmonxona ochiladi. U xalqaro aviaqatnovlar terminali joʻnab ketish zalining steril hududida joylashgan va tranzit yoʻlovchilar uchun moʻljallangan. Bugungi kunda mehmonxona toʻliq qurib bitkazilgan va foydalanishga tayyor.

“Uzbekistan Airports” kompaniyasi ijarachi – mehmonxona boshqaruvini toʻliq oʻz qoʻliga oladigan mehmonxona sohasidagi professionalni qidirmoqda. Tegishli lot E-auksion.uz elektron platformasiga joylashtirilgan. Umumiy maydoni 240 kv.m. boʻlgan mehmonxonaning boshlangʻich bahosi yiliga 1 296 000 000 soʻm. Veb-saytda joylashtirilgan texnik topshiriqlarga javob beradigan kompaniyalar ishtirok etishi mumkin. Arizalar qabul qilishning oxirgi muddati - 2023-yil 30-oktabr.

Taʻkidlash joizki, mehmonxona ikki qavatda 24 ta xonadan iborat boʻlib, tashrif buyuruvchilar uchun maʻlumot nuqtasi, hammom va dushlar, 24 soatlik resepshn va parvozga individual taklif qilish tizimi mavjud. Mehmonxona taniqli rassom Bobur Ismoilov loyihasiga koʻra sharqona uslubda yaratilgan.