Test sinovlari keyinga koʻchiriladimi?
Arxiv foto
DTM bosh boshqarma boshligʻi Barno Rajabovning aytishicha, imtihonni keyinga koʻchirish boʻyicha taklif berilgan.
"Karantin cheklovlari qachon bekor qilinsa, test sinovi oʻshanda oʻtkaziladi, — dedi u. — Agar 15-avgustda bekor qilinsa, 15-avgustdan keyin, 1-sentyabrda bekor qilinsa, 1-sentyabrdan keyin oʻtkaziladi.
Imtihonlar oʻtkaziladigan joylar hali tasdiqlanmagan. Tasdiqlangandan keyin maʼlum qilamiz. Statsionarga aylantirilgan pavilyonda imtihon oʻtkazilmaydi.
Test sinovlari uchun tanlangan joylar katta sigʻimli inshoot boʻlishi aniq».
U bu haqda bugun AOKAda 2020-2021-oʻquv yili uchun oliy taʼlim muassasalarining bakalavriat taʼlim yoʻnalishlariga abituriyentlarni onlayn roʻyxatga olish yakunlari, tahlil va xulosalar mavzusida oʻtkazilgan matbuot anjumanida aytib oʻtdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring